bokgoni bja tikologo — Sesotho sa Leboa

Tekolo ya ekonomi ya bokgoni bja dikarolwana tša tlhago tša tikologo lefelong le le itšego goba seleteng go kgona go thekga ka go dira tšhelete mohuta wo o itšego wa tiro ya ekonomi. Methopo ya tikologo e ka kgona go thekga e tee goba tše ntši tša tše di latelago: meepo, boeti, tulo, temo ka sebopego sa go rua diphoofolo le go tšweletša dibjalo goba bobedi, kagodikgwa, theo ya dihlapi, le tše dingwe tše ntši. Ge tikologo lefelong le le itšego e na le bokgoni bjo bobotse kudu bja go tšweletša dibjalo tša dijo, go tla ba bošilo go šomiša naga go aga dikgwa, lefelo la kolofo, goba mererong ya tulo. E tla ba go hloka boikarabelo kudu bja tikologo go fetoša naga ka moka ye botse, ye e sa kago ya šomišwa go ba mafelo a kolofo bjalo ka ge gabjale e le mokgwa wa go dira tšhelete ye ntši. Dika tše di itšego bjalo ka go ba gona ga diminerale tše kago rekišwa, bokgauswi go tlhabollo ye kgolo ya intasteri, bokgauswi go lefelo la tlhago goba lešoka la diphoofolo la go tuma, bokgauswi go boyo bja baeti bjo bo atlegilego, goba go dula kgauswi le mmila wo mogolo wa lefelo la tlhago goba lefelo la diphoofolo la go tuma go oketša gagolo bokgoni bja tikologo bja lefelo la naga. Bokgoni bja tikologo bja naga gape bo huetšwa ke go ba gona ga mašaledi a akheolotši le mafelo ao a lego go goba kgauswi le moago, mola naga ye e lego ka gare goba kgauswi le lefelo leo le nago le bohlokwa bja sedumedi, setšo goba histori e na le dikgetho tše mmalwa tša ditlhabollo tša boeti gape e na le bokgoni bja godimo.

English Afrikaans isiZulu

Back to main concept page

← Previous concept Next concept →