mekgatlo ya tikologo — Sesotho sa Leboa

E sa le go tloga mola Mokgatlo wa Tikologo wa kakaretšo, wa boditšhabatšhaba o hlongwago ka USA mathomong a bo1960, o phatlaletše go ya khutlong ye nngwe le ye nngwe ya lefase. Mekgatlo ye mentši ya tikologo le mekgatlo e hlomilwe lefaseng le dileteng, mola dihlongwa tše ntši di hlomilwe. Go e na le go aba lenaneo la yona le le telele mo, o eleletšwa go šomiša materiale wa gago wa go ithuta le klosari ye go ka dira lenaneo la gago. Go thoma ka mekgatlo ya go tuma bjalo ka Greenpeace gomme o feleletša ka mekgatlo ya gago ya selete ya pabalelo ya methopo ya tlhago, o tla makatšwa ke go lemoga ka fao lenaneo la gago e lego le le telele ka gona. Gopola gore dihlongwa tše gammogo di bopa sehlopha se maatla sa tlhohleletšo sehlongweng se sengwe le se sengwe sa semolao bjalo ka mebušo ya profense goba selete gape le mebušo ya bosetšhaba gomme mafelelong dihlongweng tša boditšhabatšhaba bjalo ka dietšentshi tša Mokgatlo wa Ditšhabakopano (bona “karogano”). Go bolela ka go lebanya, “mekgatlo ya tikologo” e ra mekgatlo ye e sego ya mmušo (diNGO). Le ge go le bjalo, ka lebaka la kgatelelo ye e bakwago ke mekgatlo ye, dinaga ka moka lefaseng gabjale di na le dihlongwa tša semmušo tša taolo ya tikologo. Mekgatlo ye e šoma mmogo gabotse le mekgatlo ye e sego ya mmušo gomme go tla ba bošaedi go bona dihlongwa tša semmušo bjalo ka karogano go mekgatlo ye e sego ya mmušo. Gabotsebotse, tikologo ke karolo ya go ikgetha ya tshwenyego ya motho ka ge dihlongwa tša mmušo le tše e sego tša mmušo gantši di šoma mmogo go leka go phološa tikologo ya rena ye e senyegago bonolo.

• • #102: environmental degradation
  • #103: EIA, environmental impact assessment
  • #104: environmental justice
  • #105: environmental management
  • #106: environmental monitoring
  • #107: environmental movements
  • #108: environmental potential
  • #109: environmental resources
  • #110: environmentalist
  • #111: equal-area classification
  • #112: equal-interval classification