EIA, tekolo ya khuetšo ya tikologo — Sesotho sa Leboa

Taolo goba tshepetšo ya taolo ya ka fa khuetšo ya tikologo ya protšeke ye e akantšwego ya motho goba tiro ye e laetšwago. Gabotse ke tshepetšo ye e akanyetšwago. Ka Afrika Borwa, le dinagaeng tše dingwe tše ntši, e bopa karolo ya Tshepedišo ya Taolo ya Tikologo ye e Hlakantšwego (IEMP). Go ya ka datha ya tikologo ye e kgobokeditšwego go kgato ya tekolo ya tikologo (EE) ya IEMP, le tshedimošo ka moka mabapi le protšeke ye e akantšwego goba tiro ye e abilwego ke moakanyi, kakanyetšo ya thutamahlale ya khuetšo ya tikologo e ya dirwa. Tshepetšo ye ya kakanyetšo ke tshekatsheko ya khuetšo ya tikologo yeo e lego karolo ye bohlokwa ya tekolo ya khuetšo ya tikologo. Dithekniki tša go fapanafapana di a šomišwa go dira dikakanyetšo tše bjalo, tše dingwe ke ditekanyo tša maemo a godimo a thutamahlale le dimmotlolo, mola tše dingwe di theilwe godimo ga dipono tša ditsebi gape le go dipono tša batho fela bao ba ka bago le kgahlego go goba go angwa ke protšeke goba tiro ye e akantšwego. Ba mafelelo ba bitšwa mekgatlo ya kgahlego le ye e amegago (diIAP) gomme go ya ka molawana wa Afrika Borwa wa tikologo, dipono tša bona di swanetše go elwa šedi. Go swanetše go elwa hloko gore mareo “tekolo ya khuetšo ya tikologo” le “tshekatsheko ya khuetšo ya tikologo” gantši a šomišwa ka phošo bjalo ka mahlalošetšagotee. Se sebe le go feta ke tšhomišo ya go swana ye bošaedi ya tekolo ya khuetšo ya tikologo le tlhahlobo ya khuetšo ya tikologo. Tšhomišo ya maleba ya mareo a ka moka e hlalošitšwe gabotse dingwalong tše di hlalošago tshepedišo ya Afrika Borwa ya IEMP gape le ka gare ga Molao wa Taolo ya Tikologo wa Bosetšhaba wa Afrika Borwa, 107 wa 1998. Ka lebaka leo, ga go na motho yo a swanetšego go šomiša mareo ka mo go fošagetšego.

English Afrikaans isiZulu

Back to main concept page

← Previous concept Next concept →