Help
beisene ya kgamolo — Sesotho sa Leboa
Tikologo ya naga ye e gamolago ke noka ye tee le meetšana ya yona. E arongantšhwa le dibeisene tša kgamolo tša kgauswi ke dintotoma tša naga ya godimo. Mollwane wa beisene ya kgamolo ke phatolameetse (bona “phatolameetse”). Beisene ya kgamolo e ka bonwa bjalo ka sestemo ye e bulegilego ya tše di kago tsenywa (bjalo ka pula le go tologa ga kapoko goba lehlwa) tše di tsenyago meetse ka beiseneng ya kgamolo, le tše di kago ntšhwa (bjalo ka moyafalo ya meetse le go elela ga meetse) tše di ntšhago meetse go tšwa sestemong. Ditshepetšo tša go fapanafapana di ka direga beiseneng ya kgamolo, e lego kgaoletšo, poloko ya bokagodimo, tšhwahlelo, nwelelo, poloko ya meetse a ka tlase ga mobu, kelelo ya meetse a ka tlase ga mobu, kelelo ya bokagodimo (kelelo nageng) poloko ya tšhanele le kelelo ya tšhanele. Dibeisene tša kgamolo di na le dibopego tša go fapanafapana (mofemetri), bogolo le dipharologantšho tša go fapana kudu. Thuto ya dibeisene tša kgamolo ke lefapha la tsebo go disaense tše mmalwa, go akaretša Thutafase. (Bona “go tšhanela”.)
