Help
tlhabollo — Sesotho sa Leboa
Boemo bjo bo botse bja ekonomi, setšo le go phela gabotse bja setšhaba goba selete goba naga ye e itšego. Mathomong, go ba gabotse ga ekonomi (ke gore, lehumo) ya setšhaba go be go bonwa bjalo tekanyo e le noši ya boemo bja sona bja tlhabollo. Tlhabollo ya ekonomi ke tshepetšo ya go šomiša methopo go kaonafatša go phela gabotse ga batho gomme tekanyo ye ya ekonomi e be e bonwa bjalo ka tlhabollo ya boemo bja nnete bja setšhaba (bona “dinaga tše di hlabologilego” le “kgolo ya ekonomi”). Le ge go le bjalo, go lemogilwe gore lehumo le bohloki ke mareo a go bapiša, e se ao a feletšego, ka ge kelo ya go lekana ya tšhelete e ka se kgone go reka kelo ye e swanago goba khwalithi ya dithoto le ditirelo dinageng tša go fapanafapana. Ka lebaka leo, letseno la motho yo mongwe le yo mongwe ka nageng le ka se tšewe bjalo ka tekanyo ya mafelelo ya tlhabollo ya sehlopha sefe goba sefe sa batho. Go ile gwa hlaka gore difapantšhi tša setšo le leago gape di swanetše go elwa hloko. Mokgatlo wa Ditšhabakopano (UN) gomme o ile wa hlabolla tekanyo ye e amogelwago ka kakaretšo ya tlhabollo ye e theilwego go diphapano tša ekonomi, setšo le leago. Tšhupane ya tlhabollo ya batho (HDI) e ela hloko difapantšhi tša go fapanafapana, e lego palomoka ya ditšweletšwa le ditirelo ka nageng (GDP) ye e lego tekanyo ya lehumo ka moka ya setšhaba, boemo bja magareng bja thuto bja setšhaba ye e lego sefapantšhi sa setšo, le nako ye telele ya go phela (nako ya go phela) ye e lego sefapantšhi sa leago. Ela hloko gore HDI ke bokgole bja tekanyo ya papišo ka gobane e akaretša letseno la setšhaba la motho mang le mang ka nageng. HDI gantši e šomišwa go hlaloša boemo bja tlhabollo bja setšhaba goba naga. Tsholo ye bohlokwa kudu ya HDI ya UN ke gore ga e ele hloko ditokelo tša botho le tokologo ya motho. Gomme, HDI e le noši ga e ya swanela go šomišwa go hlaloša boemo bja tlhabollo bja setšhaba goba naga. (Bona “dinaga tše di hlabologago” le “dinaga tše di fetogago”.)
