Help
teori — Sesotho sa Leboa
Albert Einstein o rile “diteori ke ditlholo tša mahala tša monagano wa motho”. Setsopolwa se ga se re botše se teori e lego sona, gomme e ka tla bjalo ka semaka go lemoga gore ga go motho yo a ka hlalošago “teori” ka mo go kgotsofatšago. Le ge go le bjalo, tlhabollo ya teori e bohlokwa kudu go ditlhalošo, gomme ga gona tekolo, tlhathollo, goba tlhalošo ye e se nago teori. Teori gabotsebotse ke sestemo ya distatamente tše di tlaleletšago go kwešišo ya ditekolo tše di itšego tša emperikale. Ka tlhalošo ya yona ye bonolo, teori e ka hlalošwa bjalo ka “polelo” ya go ahlaahla mabaka a teori e lekago go a hlaloša. Diteori tša go tlwaelega kudu tša thutamahlale ke tšela tša dithekthoniki tša poleiti, go phologa tšeo di tiilego (bona “kgetho ya tlhago”), go bolawa ga diphedi, tlhagelelo (bona “tlhagelelo” le “kgetho ya tlhago”), tlhabollo ya dinaga toropong, tlhabollo ya ekonomi le setšhaba se se fetogago (bona “tlhabollo”). Dimotlolo tša thutafase ka moka di thekgilwe go teori. Diteori tše dingwe di a kgonthišišwa ka tekolo le teko, tše dingwe ga di kgonthišišwe gomme ga se di kakanyetšo, eupša diphopholetšo tše di ka se kgonthišišwego. Le ge go le bjalo, diteori tša thutafase gantši di ka kgonthišišwa ka tsebo ye ntši ya emperikale gomme di bopa diphethene (mahlamo a go nagana le-go-dira) go tsebo ya thutafase.
