Help
methopo — Sesotho sa Leboa
Lereo le “methopo” le ka šomišwa ka go lekala lefe goba lefe la thuto, gomme se se dira gore go feleletše go na le mehutahuta ya ditlhalošo tša lereo le, go eya ka seemo seo le šomišwago ka go sona. Ka Thutafase, methopo e ka hlalošwa bjalo ka dilo tša tlhago tšeo di nyakwago ebile di lego mohola go batho. Dintlha tše bohlokwa tšeo di tlišago pharologanyo ke gore methopo e swanetše go direga ka tlhago, e swanetše go dirišwa ebile e swanetše go bonwa ke setšhaba bjale ka ye mehola go thekga go phela gabotse ga ekonomi le ga ditlabelo tša sona. Dirutegi tša Thutafase di kwešiša gore “methopo” ke lereo le bohlokwa le gore dilo tša tlhago di bonwa bjalo ka methopo fela ge batho ba se na go bona mohola wa tšona. Taba ye e fapane go ya ka ditšo le go ya ka ge nako e dutše e sepela. Kabaganyo ya methopo e fapana go ya ka mafelo mabapi le bontši le boleng go ralala le lefase. Godimo ga fao, methopo ye mengwe e a felela gomme e ka šomišwa ya fela (ga e mpshafatšwe), mola ye mengwe e ka dirišwa leswa ka dikelo tše di fapanego (e a mpshafatšwa). Bona “go dira selo khomodithi”, “methopo ya tikologo”, “tirišompe”, “sebešwa sa fosili”, “molao wa magato a tšhireletšo”, “mpshafatšo ya maatla”, “tirišoleswa”, “mpshafatšo ya maatla”, “kgogolego ya mobu”, “methopo ya boeti” le “mehlaka”.
