Help
go thala profaele — Sesotho sa Leboa
Tshepetšo ya go thala ponagalo ya lehlakore ya karolo ye nnyane ya bogodimo bja Lefase go ka hwetša kemedi ya kimollo ya bogodimo. E dirwa ka thekniki ye boleta, ya kgonthe gomme ka moka tše di hlokegago ke mmepe wa tikologo wa lefelo (bona “mothaladi wa isometriki” le “mmepe wa naga”). Ge profaele ya sebopego sa kimollo se se rilego se hlokega, mothaladi wo o putlago go kgabaganya sebopego seo gomme o kgokagantšha mafelo a mabedi (a bitše A le B), bjalo ka dipakane tše pedi tša trikonometriki mahlakoreng ka bobedi a sebopego, o a thalwa mmepeng. Morumo wa pampiri ya lephephe o bewa mothalading wo. Mo mothaladi o putlago mothaladi wa morumo, leswao le a dirwa go bapa le morumo wa pampiri ya lephephe gomme bophagamo (bona “mothaladi wa isometriki”) bja lefelo leo bogodimong bo ngwalwa fase. Mongwe a ka dira sehlopha sa diase pampiring ya lephephe ka tlase ga mothaladi wa maswao go bapa le morumo wa pampiri. Ase ye e rapamego (ase ya x) e emela bokgole magareng ga mafelo a A le B, go ya le ka sekala sa mmepe (re re, 1:50 000). Sekala sa ase ye e tsepameng (ase ya y) se kgethwa ke motho yo a thalago profaele gomme – go ya le ka kimollo ya ponagalo ya naga – go ka ba mo go loketšego go šomiša sengwe bjalo ka 2 mm seswantšhong go emela 20 m bommanneteng. Lefelo la A le akanyetšwa go ase ya go ya le ka bogodimo bja yona, gomme mafelo a methaladi ya go tsenelelana yeo e laeditšwego morumong wa pampiri ya lephephe e akanyetšwa moo boemo bja yona go ase ya x e tsenelelanago le mabogodimo a tšona go ase ya y. Mafelo ka moka a a akanyeditšwego a kopantšhwa ke mothaladi o tee wo o emelago kimollo ya nnete ya bogodimo. Sebopego sa kgahlego se tla bonala gabotse mothalading wo wa profaele. Thekniki ye e bohlokwa kudu go tšeomofolotši le tšeolotši gomme go tšeolotši diprofaele tše bjalo di bitšwa “dikarolo tša sefapano”.
