Help
palo ya setšhaba — Sesotho sa Leboa
Palo ya batho ba ba dulago karolong ye e laeditšwego ya naga, ba hlalošwa bjalo ka “x” ya botho go ya le ka sekwere kilometara sa “y” (goba dimetara goba dimaele). Tšhupane e ka šomišwa go palo ya batho, diphoofolo, dikhunkhwane, goba diphedi tše dinyenyane goba se sengwe le se sengwe se e sego sa okaniki. Tabeng ye, lereo le “setšhaba” le šomišwa go ya ka dipalopalo, go e ra gore mohuta ofe goba ofe wa selo o ka ba karolo ya setšhaba se go bolelwago ka sona. Go Thutafase le go dithutamahlale ka moka tša tikologo, gantši le ra gore batho, eupša seo se ka no se be bjalo, bjalo ka ge mabenkele, dikolo, mehlare, diamuši, digagabi goba diphedi tše di nyenyane di le karolo ya “setšhaba”. Gomme, kgopolo ye ka moka ke ya dipalopalo. Go se kgathalege tlhago ya setšhaba, tšhupane ya dipalopalo e a šomišwa. Go thutafase, motho gantši a ka tšea palo ya setšhaba go ra batho, eupša seo se ka no se be bjalo. Selo se bonolo sa papetšo go ka hlaloša lereo le ke go šomiša palo ya batho bao ba dulago lefelong le le hlalošitšwego. Mekutwaneng ya India batho ba 700 000 goba go feta ba ka dula sekwereng se tee sa kilometara sa naga. Palo ya setšhaba e godimo kudu fao ka gobane ga go na sekwere metara se sennyane se se tee sa naga se se lego gona go motho mang le mang setšhabeng. Ka letsogong le lengwe, batho ba bantši ba dula ka gare ga tikologo ya disekwere kilometara tše ntši leganateng la Sahara. Palo ya setšhaba tikologong efe goba efe ya metse ditoropong e phela e le godimo go feta ya ditikologong tša metse magaeng.
