Help
tšhomišo ya naga — Sesotho sa Leboa
Morero ofe goba ofe woo naga e šomišetšwago ditiro tša batho. Go na le mehuta ye mebedi ya go fapanafapana ya tšhomišo ya naga, e lego wa magaeng le wa ditoropong. Tšhomišo ya magaeng ya naga e akaratša temo ka sebopego sa go ruwa diphoofolo le/goba go bjala dibjalo le tsošološo ka dibopego tše ntši tša go fapanafapana bjalo ka go namela dithaba, go thelela lehlweng, go otlela dipaesekele, disafari, go bona diphoofolo tša lešoka, go bogela dinonyana, go etela ditikologo tše botse tša tlhago le go bona diphoofolo tša lešoka, le selo se se sa hlomameng se bitšwago “go bethwa ke moya”. Tšhomišo ya ditoropong ya naga e akaretša ditiro le ditirelo tša bodulo, tša thuto, tša intasteri, tša kgwebo, le tša profešene.
