Help
Tšhumo/Phišo — Sesotho sa Leboa
Tshepetšo ya tšhumo ye e laolwago go fokotša bolumo le/goba mokgobo wa materiale wa ditšhila. Mehuta ye mebedi ya go fapana ya materiale wa ditšhila ke ye e tšhungwago/fišwago gantši, e lego ditšhila tše di kgobelago ke masepala le ditšhila tše kotsi (bona “ditšhila tše kotsi”). Gopola gore molao wo bohlokwa wa taolo ya tikologo ke “ga go na tsela”, go e ra gore ga go na maatla goba selo se kago fedišwa, gomme go tšhuma/fiša go fokotša kelo ya ditšhila le mašaledi, e lego phišo, dikese le melora di swanetše go lahlwa. Go tšhuma ke tshepetšo ya go ikgetha, ya go tura ya phokotšo ya ditšhila yeo e nyakago dionto tša go ikgetha le polante ya go tura, tšhomišo ya mohlagase wo montši go fihlelela dithempheretšha tša godimo, difilthara tša go ikgetha, dikrapa le dirisine go thibela ntšhetšo ya dikese tše kotsi lefaufaung le go thibela tšhilafalo ya moya wa mpholo, le ditlabakelo tša go ikgetha tša go lahla molora wo o šetšego. Dinageng tše ntši tše di hlabologilego, phišo ya go tšhuma ditšhila e šomišetšwa go fiša ditšhila tša ka gae. Ka lebaka la tsebo ye e nyakegago le ditefelo tše di akaretšwago tshepetšong, go tšhuma ga go šomišwe gantši dinageng tše di hlabologago. Go lahlwa ga ditšhila ke lefapha la go ikgetha taolong ya tikologo, gomme ga se gantši le bipetšwa ka moka ke melao ya taolo ya tikologo ya naga efe goba efe. Ešita ka Afrika Borwa ka mohlala wa yona wa molao wa taolo ya tikologo, go lahla ditšhila tše kotsi go bipetšwa ke molao wa go ikema wo o nepagetšego.
