Help
ditšhila tše kotsi — Sesotho sa Leboa
Mašaledi a sa nyakegego le ditšweletšwa tša ditšhila tša ditshepetšo tša intasteri le meepo, ditšweletšo tša petrokhemikhale, ditshepedišo tša kalafo, ditiro tša bošole le ditirišo tša nyuklea. Materiale wo wa ditšhila o ka se swarwe bjalo ka ditšhila tša ka ntlong le ditšhila tša ka serapaneng, ka gobane di na le tšhošetšo ya mpholo, ya mollo, ya go thuthupa, ya go tšhilafatša goba ya go fetela go tikologo ya lefelo le/goba lefelo goba le ga ešita setšhaba ka kakaretšo. Ditšhila tše kotsi tša go tlwaelega di akaretša se sengwe le se sengwe seo se ka amago lefelo la tikologo goba la kgauswi le maphelo a batho bao ba dulago moo goba lefelong la kgauswi. Ditšhila tše kotsi di ka se lahlwe mafelong ao a tlwaelegilego goba go tšhungwa (bona “tšhumo”). Go mohuta o mongwe le o mongwe wa ditšhila tše kotsi, go na le lenaneotshepedišo le le tiilego le le swanetšego go latelwa. Dikhamphani tša tsebo tša go lahla ditšhila di lahla materiale o gomme go dirišwa tlhokomelo ye kgolo go netefatša gore tikologo goba bašomi ba go lahla ditšhila ga ba tsene kotsing ka lebaka la tšhilafalo. Dinageng tše di rilego tše di hlabologilego, melao mabapi le tshwaro ya ditšhila tša ka gae e ya dirišwa gomme batho ba hlokomela kudu go lahleng ditšhila tše kotsi (go fa mohlala, dihlare tša kalafo tše di fetilego ke nako, ditšhwaana, dibolayakhunkhwane tša ka gae, le ditšhelo tše di se nago selo tša dihlare tša go bolaya magotlo, le ditšhelo tša mpholo tša dikhunkhwane) ka tsela ye go laetšwego ka gona ka ge ditefišo tša kotlo tša go roba melao di le godimo kudu. Dinageng tše di hlabologago bjalo ka Afrika, go lahla ditšhila ke selo seo se se nago molao. Le ge melao le melawana e ka ba gona, gantši ga e diragatšwe. Gomme, ditšhila tša kalafo gantši di hwetšagala mo go lahlwago ditšhila mafelong ao batho ba sa dumelelwago go dula go ona goba moo go lahlwago ditšhila, le ga ešita ditšhaba tša badudi ba baipei di dula go mafelo a go lahla ditšhila ao a šomago, mola meepo e ntšhetša kelelatšhila ya esiti ya moepo ye e nago le dilo tša khemikhale le tša ayone dinokeng le dikabong tša meetse tša ka fase ga mobu.
