go dira dilo go ba tša lefase ka bophara — Sesotho sa Leboa

Leina le le a itlhaloša ka bolona ka gore le laetša selo goba tiro ye e itšego ya go tšea lefase bjalo ka lefelo le tee. Mabaka a bohlokwa a go dira dilo go ba tša lefase ke ekonomiksi le kgwebo, le ditlhabollo tša theknolotši tše di oketšago le go nolofatša kamano ya batho lefaseng ka bophara. Go tloga bofelong bja ngwakgolo wa bo19 theknolotši ye mpsha ya dinamelwa e kopanya lefase go ba enthiti ye tee ya lefase. Mathomong dikhamphani di hlomile dikgokagano tša kgauswi tša kgwebo le dinaga tša go fapanafapana, ka go realo di e ba dikhamphani tša ditšhaba tše dintši (MNCs) tšeo di nago le makala go ralala le lefase. Dikhamphani tša go tuma bjalo ka Macdonalds lehono di kwa di le gae kua Moscow le kua New York. Nako ya leeto magareng ga mafelo a mangwe le a mangwe a mabedi Lefaseng e “hunyetše” kudu gore motho a ka nyaka go fihla go lefelo lefe goba lefe Lefaseng ka diiri tše mmalwa. Ka nnete, Lefase ga le a hunyela, eupša theknolotši ya dinamelwa e kaonafetše. Padi ya Jules Verne ya go tuma ya 1873 ye e bitšwago Around the World in 80 Days ga bjale e ka ba “go ralala le lefase ka matšatši a 8” goba, ge go hlokega ka nnete, diiri tše 80! Inthanete e kgatha tema ye kgolo kudu go phatlalatšeng lefase gomme e bohlokwa go poledišano ya boditšhabatšhaba ya lefase ka bophara le go kgokaganya batho. Go bohlokwa go lemoga gore nakong ya go phuhlama ga mekgatlo ye megolo ya dipolitiki bjalo ka mebušo ya Britain le France le Russian Soviet Union (USSR), kgokagano ya batho ya lefase e be e gola le go kaonafala gore maloko a mekgatlo yeo ya maloba lehono a kgokagane go feta peleng. Go dira setšo le leago go ba tša lefase go diragetše ka pela morago ga go dira ekonomi go ba ya lefase gomme e šetše e tšeetše legato dikopano tše kgolo tša dipolitiki. Lehono go ralala le lefase (ka ntle le India le China) jini ye tala ya America ke moaparo wa go tlwaelega wa setarateng gape batho ba bantši ba tseba gore James Bond ke mang. Go dira dilo go ba tša lefase ka bophara e bile tsela ya go dira le go nagana; ke gore, thempleiti “ya lefase la phaphati”, yeo e šetšego e tšweleditše lithereitšha ye ntši.

English     Afrikaans     isiZulu    

Back to main concept page

← Previous concept    Next concept →