phapano ya thutafase — Sesotho sa Leboa

Phapano ya dika goba ditlhohlomiši goba dipharologantšho (dilo tše di fetogago) tša thutafase go tšwa lefelong goba nakong go ya go ye nngwe. Tikologo ya lefase e bontšha diphapano (dipharologantšho) tše ntši go tšwa seleteng sefe goba sefe go ya go se sengwe, seo se laetšago gore diphetho tšeo di dirilwego lefelong le tee di ka se akeretšwe ka pejana mafelong a go swana lefaseng ka bophara. Ga go dilete tše pedi tša maganata tše di swanago thwii; ga go dithokgwa tše pedi tša ekhweita tše di swanago tlwaa. Go no ba bjalo le go dilete goba mafelo a tlhago. Go no swana, ditoropo di fapane kudu gape le go tšwa lefelong go ya go le lengwe ka gare ga toropo ka boyona. Dipharologantšho tša lefelo le lengwe le le lengwe Lefaseng – go sa kgathalege gore ke le le nnyane goba le legolo bjang – le na le sete ya dika tša go ikgetha (dipharologantšho) gomme re ka se tsoge re tšere gore se se diregago lefelong goba seleteng se se rilego se ka direga lefelong goba seleteng sefe goba sefe se sengwe sa go swana. Mafelo goba dilete tša go se swane di ka ba le dika tše di swanago, eupša di ka ba le dika tše ntši tše di fapanego kudu lefelong le tee go ya go le lengwe. Ka lebaka leo, re ka se tsoge re tšere gore dilete tše di nago le dika goba mokgobo wa dika tša go swana tše ntši goba tše nnyane, di ka bonwa gabonolo “di swana”. Phapano ya lefelo e swanetše ka dinako ka moka e be kgopolong ya rathutafase. Lebaka la gore go na le phapano ye ntši ya thutafase Lefaseng le bopa molao wa idiokrafiki (molao wa go ikgetha) go Thutafase. Molao wo o nyakegago gape wo bohlokwa kudu o thekga taba ya gore ga go na mafelo a mabedi ao a swanago thwii. Molao wa idiokrafiki ke wo bohlokwa kudu go Thutafase moo ka dinako ka moka re akaretšago go hlopha tša go swana le tša go swana le go lebelela tša go swana ditikologong tše nnyane lefelong gape le mafelong a magolo a lefase. Gabotse, dilete goba mafelo a a rilego a ka ba le dika tše ntši tša go swana, eupša go sa tlo no ba le dipharologantšho tše di sa swanego ka tsela ye e itšego goba kudu. Tše ka moka di akaretšwa ke molao wa motheo wa thutafase wa phaphano ya lefelo le phetogo ya selo (bona “phapano ya lefelo”).

English     Afrikaans     isiZulu    

Back to main concept page

← Previous concept    Next concept →