Help
ukushintshwa kwezakhi zofuzo zento ephilayo — isiZulu
Ukushintshwa kwezakhi zofuzo zanoma iyiphi into ephilayo ngokuzalanisa ngokukhethekile izinhlobo ezithile noma ngokusebenzisa inhlanganisela yezakhi zofuzo noma i-DNA (bheka i- “genetically manipulated organism”). Inhlanganisela ye-DNA yizindlela ezisetshenziswayo zokukhishwa kwamamolekhyuli e-DNA ezintweni eziphilayo ezihlukahlukene bese ehlanganiswa ngokusebenzisa inqubo yokulumbanisa amakhemikhali ukuze “kwakhiwe” into ephilayo ehlukile. Isibonelo salokhu esithusayo, kodwa esiyiqiniso, wukuthathwa kwe-DNA esilwaneni esithile ihlanganiswe ne-DNA yesinambuzane noma yegciwane elithile. Lokhu kuzwakala njengenganekwane yefilimu lezesayensi lase-Hollywood, kodwa ngempela bukhona ubuchwepheshe bokwenza lokhu. Abantu abaningi, amaqembu ezishoshovu kanye nososayensi imbala bazibona njengento engalungile nakancane lezi zindlela zokuguqula izakhi zofuzo zezinto eziphilayo, okungafanele neze yenziwe. Abantu abaningi abakudli ukudla okuqukethe izinto eziphilayo ezishintshwe izakhi zofuzo noma ama-GMO (bheka ama-“genetically manipulated [modified] organisms”). Emithonjeni yabenzidaba edumile kuvamise ukukhulunywa kabi ngama-GMO; futhi kuyinto ecace ngokuphelele ukuthi awakutholi ukusekelwa emithonjeni yezindaba. Izishoshovu zokuvikelwa nokulondolozwa kwemvelo ziyaphikisana nokusetshenziswa kobuchwepheshe ekwakhiweni kwama-GMO futhi azivumelani nokuthi abathu badle ukudla okunama-GMO. Abukatholakali ubufakazi obuqanda ikhanda bokuthi ngempela ama-GMO anobungozi empilweni yomuntu.
