Help
tšweletšo ya dikarolwana tša leabela — Sesotho sa Leboa
Khuetšo ya materiale wa dikarolwana tša leabela wa sephedi se sengwe le se sengwe ka tswadišo ya go kgetha goba materiale wa leabela wo o tswakilego goba DNA (bona “sephedi se se hueditšwego dikarolwana tša leabela”). DNA ye e tswakilwego ke dithekniki tšeo ka tšona dimolekule di ntšhwago go tšwa go diphedi tša go fapanafapana le go kopantšhwa ka khemikhale go “hlola” sephedi se se fapanengo. Mohlala wa go boifiša, eupša wa maleba wa kgonthe ke gore DNA go tšwa phoofolong e ka ntšhwa ya tswakwa (kopantšhwa) le DNA go tšwa go khunkhwane goba pakteria. E ka kwagala bjalo ka thutamahlale ye e sego ya kgonthe ya Hollywood, eupša theknolotši ya go e dira e gona. Batho ba bantši, dihlopha tša batho ba ba šomago mmogo go fihlelela diphetogo tša maemo a a rilego le ga e šita borathutamahlale ba bona dithekniki tše e le tše di sa amogelegego ka boitshwaro gape e le tše di ka se lokafatšwego ka melao ya boitshwaro. Batho ba bantši ga ba je dijo tše di nago le diphedi tša dikarolwana tša leabela tše di fetošitšwego goba diGMO (bona “diphedi tše di hueditšwego [fetošitšwego] dikarolwana tša leabela”). Di-GMO di phela di ahlaahlwa ka mo go fošagetšego methopong ya ditaba ya go tsebalega; ga go begwe gabotse ka tšona ditabeng. Batho bao ba kgothaletšago tlhokomelo ya tikologo ba ganana kudu le theknolotši ye e šomišwago tlholong ya diGMO le gore batho ba je dijo tša GMO. Ga go se kgonthišišwe ge e ba diGMO ka nnete di kotsi maphelong a batho.
