Help
sebešwa sa fosili — Sesotho sa Leboa
Dibešwa ka moka di tšwa go difosili tša diphedi. Mehuta ye meraro ye bohlokwa e ka fapantšhwa, e lego: a) malahla, khoukhu (malahla a khwalithi ya godimo), le malahla a matsotho (malahla a khwalithi ya tlase), b) oli le šele ya oli, le c) kese (bjalo ka methane). Sehlopha sa mathomo gantši se tšwa go diphedi tša dimela tšeo di lahlelwago ka gare ga meetse a go hlweka a mohlaka le ka mehlakeng, ye e khupeditšwego ke mašaledi gomme ka tlase ga kgatelelo ya godimo di fetoga malahla mo mengwageng ye dimilione. Sehlopha sa bobedi se tšwa go diphoofolo tše nnyane tša lewatle tše di hwago, tša nwelela go ya fasefase, tša khupetšwa ke mašaledi a lewatle gomme mo mengwageng ye diketekete goba dimilione ka tlase ga khuetšo ya kgatelelo ya godimo materiale wa okaniki o fetoga dibopego tša go fapanafapana tša dibešwa, bjalo ka oli, šele ya oli le kerosene. Kese e amantšwa le dihlopha tše tše pedi. Dibešwa ka moka tša mašaledi ke metswako ya di haedrokhapone (ke go re, metswako ya go fapanafapana ya haedrotšene le khapone). Dibešwa ka moka tša fosili di bopega dinakong tše telele kudu, gomme ge re šomišitše methopo ka moka ye e bolokilwego, re ka se letele go ba le methopo ye meswa morago ga mengwaga ye mmalwa. Tlhakantšho ya khemikhale ya dibešwa ka moka tša fosili e laetša gore tšhumo ya dibešwa tše e ntšhetša khapone le metswako ya haedrotšene lefaufaung.
