Help
tirišompe — Sesotho sa Leboa
Tirišo ye e feteletšego le tlaišo ya mothopo, e ka ba selo goba motho. Phulo ye e feletešego ya mafelo, temo ye e feteletšego ya dinaga tša dibjalo le tlošo ka moka ya dimela mafelong a dithokgwa e tla dira gore mafelo e be molala, mafelo a go se tšweletše selo a naga ye e gogotšwego le go senywa. Tirišompe ya mothopo wa meetse go nošetša goba ka moepong goba go tswaka meetse a a tšhilafetšego, e ka fokotša mothopo goba go o tšhilafatša go fihla boemong bjo o se sa bago le mohola. Methopo ya batho bjalo ka bašomedi ba difeketori goba moepo gape ba ka šomišwa gampe gomme seo se tla baka khuduego ya bašomedi, boipelaetšo le tobo ya tšweletšo. Mo e ka bago ditirišompe ka moka di na le morero o tee, e lego go lešokotšo la ka pela, gomme mo e ka bago ka moka di tšwa go bofokodi bjo tee bja batho, megabaru. Tše e sego kae ke moo bohloki bo gapeletšago batho go šomiša naga ya bona gampe, dimela le methopo ya meetse. Le ge go le bjalo, ditirišompe ka moka di na le poelo ye e swanago, e lego tshenyo ya tikologo, naga ye e sa tšweletšego selo, bohloki bjo bo oketšegilego, tlala le manyami.
