tekolo ya tikologo — Sesotho sa Leboa

Ditlhahlobo ka moka, ditekanyo, ditebelelo, ditekolo le dithekniki dife goba dife tše dingwe tša kgoboketšo ya datha tše di šomišwago go lekola dikhuetšo tša tikologo tša karolo ye nngwe le ye nngwe ya tlhabollo goba tiro ka tlase ga molawana wa tikologo wa naga (bona “tlhahlobo ya tikologo”). Datha e a nyakega go bolaodi bja tikologo go lekola tiro ya tikologo ya tlhabollo goba tiro, le go kgonthiša ge e ba mong goba mohlabolli goba khamphani ye kgolo e obamela melawana le dipeelo tša leano la taolo ya tikologo. Datha ye e hlokegago e kgoboketšwa ka mekgwa le dithekniki tša go fapanafapana, gomme tshepetšo ye ka moka e bitšwa tekolo ya tikologo. Go ya le ka datha ye, bolaodi bja tikologo bo ka dira tlhahlobo ya tikologo yeo e abago ke molawana tikologo. Bjalo ka mohlala wa tema ye e kgathago ke tekolo ya tikologo taolong ya tikologo, taolo ya mephoma ya kalaka e ka bolelwa. Go mephoma ya kalaka yeo e buletšwego setšhaba le go bopa dikgahlego tša baeti tša go tuma (bjalo ka tše di lego go Lefelo la Bohwa la Lefase la Motheo wa Tlhabollo) maemo a CO2 a moya ka gare ga mephoma a šetšwa kgafetšakgafetša. Baeti ba ntšha CO2 gomme kalaka e ya tologa ka meetseng ao a thapišitšwego ke CO2 (yeo gabotse e lego esiti ya khapone ya go fokola). Se se ka baka thubego ye e oketšegilego ya maswika ka mephomeng gomme dibopego tše boleta tša mephoma di ka senyega. Phokotšego ya mephoma ye e ka ba le khuetšo ye šoro go kgonalo ya yona ya go ka etelwa (bona “boyo” le “bokgoni bja tikologo”) le maemo a lefelo bjalo ka lefelo la bohwa la lefase.

English Afrikaans isiZulu

Back to main concept page

← Previous concept Next concept →