Help
tlhahlobo ya tikologo — Sesotho sa Leboa
Thulusi ya taolo ya go lekola tiro ya tikologo ya khamphani, mokgatlo, tlhabollo goba enthiti ye nngwe le ye nngwe goba tiro. Ke tekolo ya go šoma gabotse ya maiteko a go fokotša seabe sa tikologo sa tlhabollo goba tiro ya batho. Go ya ka molawana wa tikologo dinageng tše ntši tše di hlabologilego le tše ntši tše di hlabologago, tumelelo ya semmušo (gantši e bitšwa “tumelelo”) e swanetše go hwetšwa pele tlhabollo ye nngwe le ye nngwe ya protšeke goba tiro ye e ka bago le seabe se bohlokwa go tikologo e ka thongwa. Ge tumelelo ya protšeke ye e akantšwego goba tiro e hweditšwe, leano la taolo ya tikologo (EMP) le le lego ka gare ga ditokumente tša go dira dikgopelo le ba kontraka ya semolao ye e tlemago modiradikgopelo goba mohlabolli go sehlopha sa dipeelo tše di laeditšwego le ditekanyo tša taolo ka tlase ga moo tiro e kago dirwa. Tlhahlobo ya tikologo ke tshepetšo ya go ka lekola nnete ya ka fao tlhabollo goba tiro e obamelago dipeelo tša leano la taolo ya tikologo. E akaretša tekolo ya ka mehla (bona “tekolo ya tikologo”) ke bolaodi bja tsebo bja tikologo ya tiro ya tiro ye e dumeletšwego, e ka ba moepo, tsela, lefelo la tlhago, polante ya intasteri, meago ya kolofo goba tiro efe goba efe ye e welago ka tlase ga molawana wa tikologo wa naga ye e itšego. Ela hloko gore tlhahlobo ya tikologo ga se nyakišišo, tlhahlobo goba tekolo ya tikologo ka ge e le bjalo. Ke tekolo ya tiro ya tikologo ya tiro goba tlhabollo, ke go re, ya ka fao gabotse mong goba mohlabolli a dirago leano la taolo ya tikologo la tlhabollo le go fokotša goba go laola seabe sa lona go tikologo. Tlhabollo bjalo ka Lefelo la Bohwa la Lefase la Motheo wa Tlhabollo e ka ba le seabe se segolo se se šoro go sebopego sa sephethephete sa batho, kelelatšhila, ditsela, tahlo ya ditšhila le ditšhila, ditlabakelo tša kamogelo ya baeng, tšhitišo ya ditshepetšo ka moka tša tlhago le tshenyo ye e feletšego ya madulo a diphoofolo tše dingwe le dimela (bona “mohlala wa ekolotši”). Gomme, leano le le nabilego la taolo ya tikologo (EMP) go hlola le go laola tlhabollo ka moka go swanetšwe go dumelelanwe ka lona pele tlhabollo e ka thongwa. Mokgatlo wa tumelelo (tabeng ya Lefelo la Bohwa la Lefase la Motheo wa Tlhabollo, Kgoro ya Bosetšhaba ya Tikologo ya Afrika Borwa e tla ba mokgatlo wa tumelelo) o tla tlamega go hlahloba lefelo le go lekola ka fao gabotse tlhabollo e dirago ka gona tikologong, le ka fao gabotse melawana le dipeelo tša EMP di diragatšwago ka gona. Le ge go le bjalo, mafelo a bohwa a lefase a ka tlase ga taolo ya UNESCO yeo nako le nako e hlahlobago mafelo gomme ge mafelo a sa laolwe ka mo go kgotsofatšwago, maemo a lefelo la bohwa la lefase a ka bušetšwa morago.
