Help
spektramo sa elektromakenete — Sesotho sa Leboa
Dilo ka moka tša thempheretšha ya godimo go feta nnoto ye e feletšego (-273° Kelbine goba -495,4° Fahrenheite) di ntšha maatla a elektromakenete ka sebopego sa maphoto a botelele bja maphoto a go fapanafapana. Seetša go tšwa letšatšing se na le dispektramo tše ntši tša maphoto. Tše dingwe tša tšona di wela go spektramo seo mahlo a rena a kago se bona, e lego sepktramo sa go bonala. Maphoto a mangwe ka moka a seetša a ka se bonwe ka leihlo la motho. Botelele bja maphoto ka moka go tloga go maekrone wa 0,4 go ya go maekrone wa 0,7 a wela go spektramo sa go bonala. Botelele bja maphoto a makopana ke altra-bayolete ya go se bonale le diX-rei, gomme a matelele go feta dimaekrone tše 0,7 ke mahlasedi a infrarete a go se bonale, maphoto a mannyane, le maphoto a radio. Le ge mahlo a rena a ka se bone botelele bja maphoto ao a welago ka ntle ga spektramo sa ponagalo, mehuta ye e itšego ya difilimi le didirišwa tše dingwe tše sensithifi tša go ka hwetša tshedimošo o le kgole di ka laetša a mangwe a maphuto ao. Le ge leihlo la motho le le lebeletšego ka gare ga khamera go tšea seswantšho le ka bona fela spektramo sa go bonala sa maphoto a letšatši, filimi khamereng e ka laetša go feta leihlo le le lebeletšego ka khamera. Mohlala wa go tsebalega wa maphoto a seetša ao leihlo le ka se a bonego ke diX-rei tša maphoto a makopana ao e lego karolo ye e beilwego ya theknolotši ya tlhahlobo ya kalafo gomme tlhokomelo ya maphelo ntle le diX-rei go boima go ka e nagana. Ka mo go swanago, dinyakišišo tša sekgoba ntle le thušo ya botelele bja maphoto a matelele a mahlasedi a infrarete e fetošitše tšhomišo ya go tšea diswantšho dinyakišišong tša thutafase. Go hwetša diswantšho o le kgole tša bogodimo bja Lefase go tšwa bokgoleng bjo bo telele kudu ka didirišwa tša go hwetša tshedimošo o le kgole tša infrarete ye sensithifi tše di beilwego disatelaeteng e šetše e le thulusi ya thutafase ye e beilwego ye bohlokwa kudu gomme e bopa lefapha la tsebo ka gare ga thutamahlale ya thutafase. Dinyakišišo tša sekgoba ntle le thušo ya tshwantšhišo ye bjalo go ba boima go ka di nagana bjalo ka thutamahlale ya kalafo ntle le diswantšho tša X-rei.
