Help
ekosestemo — Sesotho sa Leboa
Dimela, diphoofolo le diphedi tše nnyane mmogo ka dikarolwana tša sebopego le khemikhale tša tikologo ye, le mo di phelago gona di bopa ekosestemo. Gomme, diekosestemo di na le diphedi, mobu, meetse, moya, maswika le selo se sengwe le se sengwe sa tlhago goba se se dirilwego ke motho se se lego gona lefelong leo le itšego nakong yeo e itšego. Go Thutafase, ekosestemo ke kgopolo ya sekgoba, ke go re, e na le dilo ka moka tše di boletšwego ka godimo, eupša tše di dulago goba go phela sekgobeng se se itšego, se se hlalošitšwego se se kago beelwa mollwane le go direlwa mmepe (bona “go beelwa mollwane”). Se ga se re gore diekosestemo ke disestemo tše di tswaletšwego gabotse go tšwa go diekosestemo ka moka tša kgauswi goba tša kgauswi le tšona. Diphedi tše di dulago go ekosestemo di a sepelasepela le go ikgweranya le badudi le dikarolwana tša diekosestemo tše dingwe. Go feta moo, diekosestemo ka moka di amogela maatla a letšatši, meetse le moya le ditsenyo tše dingwe tša sebopego le okaniki go tšwa tikologong ya kgauswi, gomme bobedi maatla le selo di tlogela sestemo bjalo ka dintšhwa. Gomme, maatla le selo ka go se kgaotše di elela ka gare, le ka ntle ga diekosestemo ka moka. Ka ge diekosestemo di na le diphedi tša go fapanafapana tšeo di bopago tšheine ya dijo, gomme dikarolwana tše e sego tša okaniki (tša go se phele) di dikološwa ka go sa felego ka sestemong, diekosestemo di na le bokgoni bja godimo bja go ka iphediša. Ka ntle le dikarolwana tša go fapanafapana tša okaniki le kelelo ye e sa kgaotšego ya dilo tša okaniki le tše e sego tša okaniki, ekosestemo ye nngwe le ye nngwe e tla phuhlama mafelelong gomme ya ema go phela. Ke kgopolo ye e fošagatšego ya tlwaelo gore diekosestemo ke disestemo tša tlhago ka go felela go gongwe dinagamagaeng, goba mafelong a tlhago, goba kgole kudu le rena bao ba phelago dileteng tša dinaga ditoropong bjalo ka Gauteng. Se ga se nnete, ka gobane ditoropo ka moka di na le diketekete tša diekosestemo tše nnyane (diekosestemo tše nnyane). Moago o mongwe le o mongwe le selo se se dirilwego ke motho ke karolo ya ekosestemo.
