Help
diekonomi tše pedi — Sesotho sa Leboa
Sestemo ya ekonomi ye e nago le mehuta ye mebedi ye bohlokwa ya go lekana, goba go nyaka go lekana, ya tiro ya ekonomi. Tlhabollo ya ekonomi ya naga ye nngwe le ye nngwe e tla – ka teori – feta dikgato tše mmalwa. Dikgato tše di emelwa ke mehuta ye mene ya go fapana ya tiro ya ekonomi, e lego ditiro tša praemari (temo, go thea dihlapi, moepo le kagodikgwa), ditiro tša sekontari (tšweletšo le go aga), ditiro tša thešiare (ditirelo tša thekgo bjalo ka taolo, kgwebo, le dinamelwa), le ditiro tša khwatenari (e lego theknolotši ya boemo bja godimo le tshedimošo le ditirelo tša tsebo) (bona “ditiro tša khwatenari”). Ka dinako tše dingwe, go feta e tee ya mehuta ye ya ditiro e ka nyaka go ba bohlokwa ka go lekana ekonoming ya naga. Ge boemo bjoo bo le gona, naga e na le diekonomi tše pedi. Ga se boemo bja sewelo, gabotsebotse, bontši bja dinaga tše di hlabologilego (bona “tlhabollo” le “dinaga tše di hlabologago”) di be di le boemong bjo nakong e tee goba e nngwe. Mohlala wo mmotse wa go tsebalega ke ekonomi ya sešole le intasteri ya USA ka bo1950 le mathomong a bo1960. Sestemo ya diekonomi tše pedi e ka swarelela nako ye telele, eupša mabekeng a mantši mohuta wa tiro ye tee wa ekonomi mafelelong o tla ba wo bohlokwa kudu, ye mengwe ka moka e le ya tlaleletšo. Mehlala e tletše, eupša gabjale mehlala ya maleba ke dinaga tša Bodikela bja Yuropa. Mengwagangwaga, dinaga tše di be di tšweletša gomme diekonomi tša intasteri moo dinamelwa le kgwebo di bego di le bohlokwa ka go lekana le go ba bohlokwa kudu go ditiro tše di boletšwego pele tša intasteri le tšweletšo. Le ge go le bjalo, ditiro tša ekonomi tša khwatenari ga bjale di fetile diekonomi tše go fihla mo e lego gore mafapha a tšona a tšweletšo le intasteri a tšeetšwe legato ka mo go feletšego ke theknolotši ya tshedimošo le ditirelo tša tsebo. Germany ga e swane le tšona ka gobane tšweletšo e sa le karolo ye bohlokwa ya ekonomi. Poelo ya maemo a a ditaba e sa le boemong bja go hlobaetša. (Bona “ditiro tša khwatenari”.)
