Help
antroposentriseme — Sesotho sa Leboa
Pono ya filosofi ya gore dikgahlego tša batho di be bohlokwa ditirong ka moka tša rena, le diphethong ka, tikologo. Batho ba bonwa ba le bohlokwa go feta tlhago le gore gabotsebotse tlhago e gona fela go ka abela batho. Se se bitšwa yutilitarianiseme (goba ka nako ye nngwe yutiliseme) gomme e ra gore boleng fela bja tlhago ke gore e šoma bjalo ka mothopo go batho. Tlhago ga e na boleng bja motheo, gomme poloko ya tikologo ka moka, tšhireletšo le taolo mafelelong di ikemišeditše go boloka le go hlabolla go phela ga batho. Bontši bja dipono le diteori tša go boloka tikologo ye e tlwaelegilego di theilwe go kgopolo ya gore tikologo e swanetšwe go laolwa go netefatša bophelo bjo bokaone go meloko ya ka moso. Batho ba bonwa ba na le boikarabelo bja go šireletša tikologo go maphelo a meloko ya ka moso. Batho ba na le boikarabelo go meloko ya ka moso ka boemo bja tikologo ye e tlago ba bohwa bja bona. Pono ya antroposentriki e kgahlanong le pono ya bohlokwa bja tikologo (bona “ekosentriseme”), moo tikologo e bonwago e na le boleng bja motheo, ke go re, boleng ka lebaka la yona, e se ka lebaka la batho. Bolaodi bja tikologo bjo o tlago ithuta dithutong tše tša Thutafase goba Taolo ya Tikologo di thekgwa ke filosofi ya antroposentriki. Mekgwa ya bohlokwa bja tikologo ga se ya ka ya hwetša tseparelo go ba dipono tša melao ya boitshwaro ye e tlwaelegilego moo teori le tirišo di kago theiwa; di dula e le melao ya boitshwaro le ditsela tša go nagana le go dira pheriferale ye kgolo (ke gore, mekgwa ya pheriferale), (bona “boikarabelo” le “sephedi se se hueditšego ke dikarolwana tša leabela”).
