Help
ISO 14000 — Sesotho sa Leboa
Maemo a taolo ya tikologo ao a amogelwago a boditšhabatšhaba le ditekanyetšo tša tikologo a tirišo ye kaone ao a hlahlago taolo ka moka ya tikologo, go tšeeng dipheto le ditiro tša tlhabollo tše di swarelelago tša tikologo. Dinaga ka moka tše di hlabologilego le tše ntši tše di sa hlabologago di na le mokgatlo wa diteknyetšo goba o mongwe. Mekgatlo ya bosetšhaba ka moka ya ditekanyetšo, le ge go le bjalo, e dumelelana le Mokgatlo wa Boditšhatšhaba wa Ditekanetšo (ISO) gomme mabakeng a mantši o šomiša ditekanetšo tša ISO. Go ya le ka ditekanetšo tša taolo ya tikologo lefaseng la bjale la boditšhabatšhaba, ditekanetšo tša ISO di šomišwa lefaseng ka bophara. Biro ya Afrika Borwa ya Ditekanetšo (SABS) ke sehlongwa se se hlomphiwago kudu seo ka go ikema se theilego ditekanetšo tše mmalwa mengwageng ye mentši ya go feta, eupša ge go etla go ditekanetšo tša tšeo ya sephetho mabapi le tikologo, le sona – gape – se šomiša ditekanetšo tša ISO. Molokoloko wa ditekanetšo tša tikologo tša ISO ke lenaneo la bo14000 la ISO leo le tiišwago ka go nnyane ke molokoloko wa kgale wa ISO 9000 wa tirišo ye kaone. Bjale ka ge lefase ka moka le šomiša molokoloko wa ISO 14000 (le ISO ye mpsha ya 14001) go tšeeng diphetho tša tikologo, go nolofatšeng tirišano ya boditšhabatšhaba, ditirong tša go tshela mellwane goba ditlhabollong tša go tshela magomo go fihla bokgoleng le ge e le bofe. Ge go ka be go se bjalo, mafelo a dithokgwa a tlhago a go tshela magomo ao a oketšegilego le mafelo a diphoofolo ao ka pela e bago ao a dirago tšhelete ka nnete go intasteri ya lefase ka bophara ya boeti, e be a ka se be kgetho ye e ka fihlelelwago.
